LATEST NEWS‎ > ‎

SCHOOL PAPER 2015-2016

posted Feb 6, 2016, 6:39 AM by Belinda Dizon   [ updated Feb 6, 2016, 7:32 AM ]

Pasilidad sa PRES, Patuloy sa  Pagbabago

ni: Adrian Castro


            Sa hangaring lalong  mabigyan ang ating mga mag-aaral ng isang maayos at kaaya-ayang kapaligiran, patuloy ang ginagawang pagsasaayos sa ilang pasilidad ng ating paaralan.

                Kamakailan lamang ay ganap ng naisaayos ang ating Audio Visual Room, ito ay kwartong-laan sa mga mag-aaral gamit ang mga makabagong teknolohiya, ito rin ang kadalasang ginagamit na dausan ng mga seminars, meeting ng mga guro at ng komunidad. Dahil sa malaking pagbabago, ang lahat ay tiyak na masisiyahan anumang

oras na sila ay magnais na gamitin ito.

                 Isa pa sa binigyang pansin ang pagsasaayos ng school ground. Nahihirapan ang mga mag-aaral na ito ay daanan sa

tuwing umuulan dahil sa ito ay lupa pa at lubak-lubak. Sa pagbabagong ito ang mga mag-aaral  maginhawa ng nakakadaan dito at maayos na rin silang nakapaglalaro.


                                                  




Gng.  ANA MARIA I. GARCIA, Pang-apat na  Pang-ulong Guro ng P.R.E.S.

ni: Princess Lipata

          

         "Nandito ako, ang inyong bagong pang-ulong-guro, magiging kaisa ninyo sa lalo pang ika-aangat ng ating mga mag-aaral,  ng ating paaralan at  ng pamayanan,” ito ang natanim sa aking isipan habang aking ginagawa ang lathalaing ito para kay Ma’am Ana Maria I. Garcia. Higit natin siyang kilalanin pa.

            Unang nasilayan ng aming punung-guro ang ganda ng mundo

noong ika-09 ng Disyembre, 1966. Ang kanyang mga magulang ay sina G. at Gng.Edilberto Ingaran Sr. Nag-aral at nagtapos siya ng elementarya sa  Cupang. Ipinagpatuloy niya ang pag-aaral ng sekondarya sa Tomas del Rosario at kumuha ng Bachelor of Elementary Education  sa  Arellano University ng matapos ang HighSchool. Naglingkod siya bilang isang guro sa loob ng 23 taon. Kahit sobrang subsob ang kanyang sarili sa pagtuturo sa mga bata sa ika-anim na baitang, nagawa pa rin niyang ipagpatuloy ang kanyang  pag- aaral, at dahil na rin sa kanyang sipag at tiyaga,siya ay naging  School Head  sa Tanato Elementary School sa loob ng 2 taon,

Bagama’t dedikado sa kanyang pagtuturo, nabihag  ang kanyang puso ni Gerardo L. Garcia na siyang naging kabiyak ng kanyang puso.

Sa Kasalukuyan  anim na buwan na siyang  naglilingkod sa aming munting paaralan. Sa panahon ng kanyang pamumuno asahan na po natin ang pag-unlad at malaking pagbabago sa PRES.



City Simultaneous Earthquake Drill, PRES Nakiisa

ni: Edralyn Malibiran


        Isinagawa ang Earthquake Drill noong ika-16 Hulyo sa PRES bilang pagsuporta sa programa ng Siyudad ng ating Balanga sa pangunguna ng Local Disaster Risk Reduction and Management Council(LDRRMC) upang ihanda ang mga guro at mag-aaral sakali mang dumating sa atin ang mapanganib na sakuna.

        Naging makatotohanan ang nasabing pagsasanay dahil nasunod ang mga tamang alituntunin. Bago pa man ang

nasabing drill ang aming Punong-guro na si Gng. Ana Maria I. Garcia ay nagbigay ng malinaw na impormasyon kaugnay ng nasabing gawain. Sa pakikipagtulungan ng School Disaster Management Committee ay maayos na iplano ang nasabing gawain dalawang araw bago ang aktwal.

        Pagkatapos ng gawain ay nagkaroon ng ebalwasyon upang lalo pang mapagbuti ang nasabing gawain sa hinaharap.


please check the document below for more news.....


















ĉ
Belinda Dizon,
Feb 6, 2016, 7:18 AM
Comments